Монгол Улсын 2026 оны төсвийн төсөлд олон нийтийн саналыг авч эхлэх талаар Б.Даваадалай мэдээлэл өглөө. Тэрбээр “Ерөнхий сайд 2026 оны төсвийг иргэдийг оролцоог дээд зэргээр хангах, үүрэг чиглэл өглөө. Төсвийн тухай хуулиар тодорхой заалтай. Төсвийн хуваарилалд шат болгон дээр олон нийтийн оролцоог хангах хуулийн заалтай. Сүүлийн жилүүдэд олон нийтийн оролцоог хангах, иргэдээс санал, зөвлөмж авч байгаа. 2026 оны төсөв дээр Г.Занданшатар ерөнхий сайдын Засгийн газар хүний хөгжлийг хамгийн том мега төсөл байхаар оруулсан. Төрийн бүтцийг цомхотгох, шинэчлэл хийх, төрийн өмчийн компаниудыг зохистой засаглалтай болгох, тоог нь цөөрүүлэх зэрэг бодлогыг дэвшүүлж ажиллаж байна. Энэхүү арга хэмжээний хүрээнд яам бүр олон нийтээс хоёр үе шаттай санал авах үүргийг сайдуудад өглөө.  Сангийн яам бусад яамтай хамтарч ажиллана.

Ерөнхий сайдын өгсөн дөрвөн үүрэг, чиглэл

1. 2026 Оны төсвийн төслийг боловсруулахдаа олон нийтийн оролцоог дээд зэргээр хангаж, олон нийтийн хэлэлцүүлэг хоёр үе шаттай зохион байгуулах. Наймдугаар сарын 1-15 хүртэл иргэдээс цахим санал авах. Ес нь сарыг 1-нд УИХ-Д төслийг өргөн барих. Энэ хугацаанд хоёрдох шатны санал хураалтыг яам бүр танхимаар зохион байгуулах.

2. Байнгын ажиллагаатай санал авах тогтолцоог бүрдүүлэх. E Mongolia-гаар дамжуулж иргэдээс цахимаар, 1111 гар утасны аппликейшнээр санал авах. Бүх боломжит хэлбэрээр саналыг цуглуулах үүрэг чиглэл өглөө.

3. Наймдугаар сард 14 хоногийн хугацаанд иргэд, иргэнийн нийгмийн байгууллага, төсвийн тухай хуулийн 10.2т төсвийн тогтвортой байдлын зөвлөл, аудитын байгууллага болон хэлэлцүүлгийн асуудалтай холбоотой салбаруудын төсвийн ерөнхийлөн захирагч нар, төсөв санхүү хариуцсан бүх албан тушаалтнуудтай Сангийн яам нээлтэй хэлэлцүүлэг зохион байгуулах.

4. Хэлэлцүүлгээс гарсан, эдийн засаг, нийгэмд үр ашигтай тэр дундаа олон нийтийн шүүмжлэл дагуулдаг зарим зардлыг бууруулах. Ач холбогдлоор нь эрэмбэлэх асуудал дээр онцгой анхаарах. Хэмнэж болох зардлыг хэмнэх, эдийн засгийн, нийгмийн үр ашигтай төслүүдийг ангилж оруулж ирэх үүрэг өглөө” гэв.