Сэлэнгэ аймгийн Хүдэр суманд өнөөдрийн байдлаар ойн түймрийн долоон голомтод Онцгой байдлын байгууллага, орон нутгийн мэргэжлийн ангийн 230 хүн, 22 техник хэрэгсэлтэйгээр унтраах ажиллагааг зохион байгуулж байна. ОБЕГ-ын дэд дарга Я.Гантөмөр, УОК-ын Нарийн бичгийн дарга, хурандаа Т.Баярхүү, Гал түймэртэй тэмцэх газрын дарга, хурандаа Ц.Нямбаяр нар тус суманд ажиллаж, газар дээр нь нөхцөл байдлыг үнэлэн, тулгамдсан асуудлуудын шийдвэр гаргалаа.

Дээрх түймрийн голомтод НОБГ-ын 40 алба хаагчийг нэмэлтээр хуваарилж, гал унтраах тоног төхөөрөмж болон бусад шаардлагатай багаж хэрэгслийг хүлээлгэн өгсөн байна. Мөн Улсын онцгой комиссоос түймрийг унтраах ажиллагаанд зарцуулах шатахууны 50 сая төгрөгийг шийдвэрлэн санхүүжүүлэхээр боллоо.