Увс аймаг үүсэн байгуулагдсаны түүхт 100 жилийн ой тохиож байна. Ойн баярын хуралд Монгол Улсын Ерөнхийлөгч У.Хүрэлсүх оролцож, ард иргэдэд баярын мэндчилгээ дэвшүүллээ. Тэрбээр Увс аймгийн иргэдийн улс орон, орон нутгийн хөгжилд оруулсан үнэтэй хувь нэмэр, бүтээлч хөдөлмөр, зүтгэлийг өндрөөр үнэлэн Увс аймгийг Монгол Улсын төрийн дээд шагнал болох Сүхбаатарын одонгоор шагналаа.

Увс аймаг нь 1925 онд “Чандмань уулын аймаг” нэртэйгээр байгуулагдсан бөгөөд өдгөө 19 сум, 86 мянган хүн ам, гурван сая гаруй толгой малтай, брэнд бүтээгдэхүүн, өндөр ашиг шимт малын үүлдэр угсаагаараа улсдаа тэргүүлдэг аймаг юм. Нэгэн зууны хугацаанд тус аймгаас төр, нийгэм, соёл, спорт, шинжлэх ухааны олон арван зүтгэлтэн, түүний дотор БНМАУ-ын удирдагч Ю.Цэдэнбал, Ерөнхий сайд асан Ж.Батмөнх, Дархан аварга Х.Баянмөнх зэрэг эрхмүүд төрөн гарсан нь тус нутгийн бахархал хэмээн онцоллоо.