Өнгөрсөн долоо хоногт улсын хэмжээнд нийслэлийн найман дүүрэг болон 18 аймгийн 35 суманд аюулт үзэгдэл, ослын нийт 85 удаагийн дуудлага бүртгэгдсэн байна. Дуудлагын дагуу төв болон орон нутгийн Онцгой байдлын байгууллагын алба хаагчид шуурхай үүрэг гүйцэтгэж, 31 иргэний амь насыг аварч хамгаалан, шаардлагатай тусламж үйлчилгээг үзүүлжээ.

Бүртгэгдсэн дуудлагыг төрөлжүүлбэл:

53 нь объектын гал түймэр,

зургаан ой хээрийн гал түймэр,

нэг газар хөдлөлт,

найман хүчтэй салхи шуурга,

нэг үер,

16 нь хүний үйл ажиллагаатай холбоотой осол байжээ.