• Өнөөдөр 2025-07-26

Филиппинд үерийн гамшигт 2.7 сая орчим хүн нэрвэгдэж, 147 мянга гаруй нүүлгэн шилжүүлэх төвүүдэд байрлажээ

2025-07-25,   235

Филиппин улсад өнгөрсөн долоо хоногийн турш үргэлжилсэн хүчтэй аадар борооны улмаас үер, хөрсний гулгалтын эрсдэл эрс нэмэгдсэн байна. Эрх баригчид Метро Манила болон Лузон арлын хойд, төв бүсийн оршин суугчдад сэрэмжлүүлэг гаргаж, нүүлгэн шилжүүлэх ажил үргэлжилж байна. Нийгмийн хамгаалал, хөгжлийн газрын (DSWD) мэдээлснээр үерийн гамшигт ойролцоогоор 2.7 сая хүн нэрвэгдэж, тэдний дундаас 147 мянга гаруй иргэн нүүлгэн шилжүүлэх төвүүдэд түр байрлажээ. Засгийн газар болон орон нутгийн захиргааны нэгжүүд хүнсний тусламж түгээж, урьдчилан сэргийлэх нүүлгэн шилжүүлэлт зохион байгуулж, олон нийтийн аюулгүй байдлыг хангах чиглэлээр ажиллаж байна. Метро Манилагийн 1,710 хэсгээс 412 нь, харин Төв болон Хойд Лузоны 9,858 хэсгээс 200 гаруй хэсэг нь үерт автсан байна. Гамшгийн эрсдэлийг бууруулах, удирдлагын үндэсний зөвлөл (NDRRMC)-өөс мэдээлснээр одоогоор 2 хүн нас барж, 10 хүнийг эрэн хайх ажиллагаа үргэлжилж байгаа аж.

Өмнө нь 12 хүн нас барж, есөн хүн сураггүй алга болсон гэж мэдээлж байсан ч шинэчилсэн тоо ийнхүү гарчээ. Үерийн улмаас дэд бүтэц, барилга байгууламжид 3.8 тэрбум фунт стерлингийн, хөдөө аж ахуйн салбарт 366 сая фунт стерлингийн хохирол учирсан гэж эрх баригчид мэдээлсэн байна.


Филиппинд үерийн гамшигт 2.7 сая орчим хүн нэрвэгдэж, 147 мянга гаруй нүүлгэн шилжүүлэх төвүүдэд байрлажээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.