• Өнөөдөр 2025-07-26

Хөвсгөлд хийлдэг завьтай урссан гурван иргэнийг эсэн мэнд олжээ

2025-07-25,   200

Хөвсгөл аймгийн Алаг‑Эрдэнэ сумын Манхан багийн нутагт байрлах “Эгийн голын гүүр” орчимд энэ сарын 23-ны 17:00 цагийн үед хийлдэг завьтай явж байсан гурван иргэн сураггүй болсон тухай дуудлага Онцгой байдлын газарт иржээ. Дуудлагыг Онцгой байдлын газар  долдугаар сарын 24-ний 04:55 цагт хүлээн авч, шуурхай эрэн хайх ажиллагааг зохион байгуулсан байна. Эрэн хайх, аврах салбарын алба хаагчид тухайн өдрөөс эхлэн голын урсгал дагуу эрж хайж, нутгийн иргэдээс мэдээлэл цуглуулан ажиллажээ.  Долдугаар сарын 24-ний 11:25 цагт “Эгийн голын гүүр”-ээс зүүн урд зүгт ойролцоогоор 50 км-т орших Алаг‑Эрдэнэ сумын Эрхэл багийн “Аяга шанагын тохой” хэмээх газраас иргэн Б. (57 настай, эрэгтэй), Г. (39 настай, эмэгтэй), Н. (30 настай, эрэгтэй) нарыг эсэн мэнд олж, аюулгүй байдалд хүргэсэн байна.

Онцгой байдлын байгууллагаас иргэдэд дараах сэрэмжлүүлгийг хүргэж байна. Үүнд:

  • Гол, нуурын эрэг орчимд завьтай болон усан дээр явахдаа заавал аврах хантаазтай байх,
  • Усны урсгал, аюултай хэсгүүдийн талаар урьдчилан мэдээлэл авах,
  • Шөнийн цагаар болон цаг агаар тогтворгүй үед усан замаар явахгүй байх,
  • Согтууруулах ундаа хэрэглэсэн үед завь болон усан хэрэгсэл ашиглахгүй байх.
  • Онцгой байдлын байгууллагаас амарч зугаалахдаа аюулгүй байдлаа нэн тэргүүнд тавихыг иргэдэд анхааруулж байна.

 


Хөвсгөлд хийлдэг завьтай урссан гурван иргэнийг эсэн мэнд олжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.