Хотын дарга Х.Нямбаатар мэдээлэл өглөө. Тэрбээр "Онцгой байдлын ерөнхий газар, Байгаль орчны яам, Тээврийн цагдаагийн алба гээд хаана камер хэрэгтэй газруудын байршлуудыг бичгээр өгөх хэрэгтэй байна. Нэг үеэ бодвол Замын хөдөлгөөний хөгжлийн төв гээд есөн дүүрэгтээ бүгдэд нь дэд төвтэй болсон. Технологийнхоо давуу талыг ашиглаад гэмт хэргийг илрүүлж Улаанбаатар хот хамгийн их хяналттай хот болж байна. Баяр наадмын үеэр төв цэнгэлдэх хүрээлэнд халаасны хулгай огт бүртгэгдээгүйн учир нь камерын системтэй холбоотой. Мэдээллийн технологит оруулсан хөрөнгө оруулалтынхаа давуу талыг олон хүний амь нас, эд хөрөнгийг авран хамгаалж буйгаас харж болно. Камерын системээр байгаль орчинд халтай зөрчил, эрүүгийн гэмт хэрэг гээд бүх төрлийн зөрчлийг илрүүлэх боломжтой. Энэ системийг улам өргөжүүлж, эмзэг цэгүүдийг камержуулах шаардлагатай байна" гэв.