Нийтийн эзэмшлийн зам, талбайд зөвшөөрөлгүй барилга, байгууламж барьсан зөрчлийг үе шаттай арилгаж байна. 

Энэ хүрээнд долоодугаар сарын 18-нд НЗД-ын нэгдүгээр орлогч Т.Даваадалай Сүхбаатар дүүргийн 1 дүгээр хороонд ажиллаж, “Central Park Office”-ийн 1-р давхарт байрлах "Segafredo Zanetti Espresso"-ийн нийтийн эдэлбэр газарт дур мэдэн терраса барьсан зөрчлийг арилгуулах үүрэг өгсөн.

Тэгвэл зөвшөөрөлгүй барьсан террасыг буулгаж, зөрчлийг арилгууллаа. 

Тодруулбал, “Central Park Office”-ийн 1-р давхарт байрлах Segafredo Zanetti Espresso нь зөвшөөрөлгүйгээр нийтийн эзэмшлийн зам, талбайд 4-7 метр урт терраса барьсан.

Зөрчлийг арилгуулахаар НХШГ-аас долоодугаар сарын 8-нд газрыг чөлөөлөх тухай хугацаатай мэдэгдэл өгөөд байсан юм.