ХБНГУ-ын Конрад-Аденауэр сангаас тусгай хэрэгцээт залуусын манлайллыг дэмжих KASCAP-2025 хөтөлбөрийг зарлажээ.

Зургаа дахь жилдээ хэрэгжүүлж буй энэхүү хөтөлбөр нь тусгай хэрэгцээт залуусын нийгмийн оролцоог нэмэгдүүлэх, манлайллыг дэмжих зорилготой юм.  

Хөтөлбөрт тусгай хэрэгцээт иргэд оролцох бөгөөд улс төр, нийгэм, эдийн засаг, хөдөлмөр эрхлэлтийн талаарх ойлголтоо гүнзгийрүүлэн, нийгэм дэх боломжуудын талаар суралцаж, мэдээлэлтэй болох аж. Түүнчлэн хувь хүний хөгжил, сэтгэл судлалын сургалтад хамрагдан мэргэжилтнүүдийн удирдлагад бичил төсөл боловсруулан ажиллах юм.

Тус хөтөлбөрийн бүртгэл ирэх сарын гуравныг хүртэл үргэлжлэх бөгөөд хөтөлбөрийг тухайн сарын 18-24-нд зохион байгуулахаар төлөвлөжээ.