Хөдөлмөрийн баатар, "Гацуурт" ХХК-ийн захирал Л.Чинбат Сэлэнгэ аймгийн Цагааннуур сумын малчдыг автомашинаараа хөөж, дайрч унагаасан гэх хэрэг өнгөрсөн зургадугаар сарын 15-нд болсон. Тухайлбал, Хөдөлмөрийн баатар Л.Чинбат Дорнод, Сүхбаатар аймгаас 360 гаруй адуу Цагааннуур суманд ирснийг нутгийн иргэд эсэргүүцсэнд дургүйцэж, малчдыг машинаараа хөөсөн гэх. Харин цахим сүлжээнд Цагааннуур суманд оруулаад байсан 360 гаруй адууг гаргасан гэх мэдээлэлтэй холбоотойгоор тус сумын багийн дарга Б.Ганзоригоос тодрууллаа.

Тэрбээр “Л.Чинбатын адууг сумаас гаргахаар ажиллаж байна. Аймгийн Засаг дарга тэргүүтэй хүмүүс энэ хэрэгт төдийлөн анхаарал хандуулахгүй байна. "Гацуурт" компанийн ажилчид зөвшөөрөлгүй голын дагуу бургас хашаалж, адууг хашиж байна” гэв.