Богдхан ууланд буга нутагшуулах ажлыг 2023 оны зургаадугаар сарын 18-ны өдөр Хамгаалалтын захиргаа, "Мөнгөн эгшиг" ХХК амжилттай зохион байгууллаа. Өнгөрсөн 2022 оны арваннэгдүгээр сард Өвөрхангай аймгаас авчирсан Борхүү нэртэй бугыг Хустайн байгалийн цогцолборт газраас авчирсан 2-3 насны дөрвөн бугын хамт Богдхан ууланд нутагшуулан тавилаа.

       Өвөрхангай аймгийн Зүүнбаян-Улаан сумын малчин Д.Буянтогтохын гэр бүл 2020 онд осгосон бугын илийг тэжээн өсгөж, Борхүү хэмээн нэрийдсэн байдаг. Борхүү илий байхаасаа Д.Буянтогтохын гэр бүлийн нэгэн гишүүн болж, өдгөө гурван настай дайр болон өсөж торнижээ. Харин түүнийг хоёр удаа байгальд нь эргүүлэн тавих шийдвэр гаргасан боловч, удалгүй гэртээ эргээд ирсэн байна.