Баян-Өлгий аймаг, Бугат сумын Их-Уул багийн “Найман толгой” гэдэг газарт энэ сарын 9-ний өдөр долоон настай хүү усанд осолдсон харамсалтай хэрэг гарсан. Дуудлагын дагуу аймгийн Онцгой байдлын газрын Эрэн хайх, аврах салбарын алба хаагчид, ар гэрийнхэн нийт 20 хүн, 4 автомашин, 1 завьтайгаар 7 настай, эрэгтэй Д-г эрэн хайх ажиллагааг эхлүүлсэн ч үр дүнд хүрээгүй тул түр зогсоогоод байсан. Улмаар энэ сарын 15-ны өдрөөс эрэн хайх ажиллагааг дахин эхлүүлсэн байна.