Монгол Улсын Ерөнхийлөгч У.Хүрэлсүх Бүгд найрамдах тусгаар улсаа тунхаглан зарласан түүхэн ойн баярын өдөр төрийн дээд одон, цол медаль гардууллаа. Энэ үеэр  МУГТ Болортуяа “Намайг МУГТ хэмээх эрхэн хүндтэй цол хүртэх болсон гавьяа минь болсон хайртай гэр бүл, ачит багш нар, ивээн тэтгэгч байгууллагууд, шигшээ багийн хамт олон болон дэмждэг бүх хүнд баярлалаа. Алдар гавьяанд хүрэхэд минь үргэлж дэмжиж байсан Т.Сүхбаатар багшдаа маш их баярлаж байна. Таныхаа ачаар МУГТ цолоор шагнуулсандаа баяртай байна. Манай шигшээ багийнхан АНУ-д болох дэлхийн цомын аварга шалгаруулах тэмцээнд оролцохоор бэлтгэлээ хангаж байгаа” гэв.