Өнөөдөр өглөө хичээл, ажлын цаг эхлэхтэй зэрэгцэж Яармаг орчимд зорчих хөдөлгөөнийг хаасанд иргэд бухимдав.

     Тодруулбал, Вива Сити,  Ханбогд Туул Кондо хотхоны  уулзвар дээр хөдөлгөөнийг түр хугацаанд хязгаарлаж, цагдаагийн алба хаагчид зохицуулалт хийсэн юм. Үүнд иргэд бухимдаж буй бичлэг цахим сүлжээнд тархсан юм. 

     Энэ талаар Замын хөдөлгөөний удирдлагын төвөөс тодруулахад “Манай улсад албан ёсны айлчлал хийж буй Канад Улсын Парламентын Сенатын танхимын дарга Жорж Ж.Фюригийн айлчлалтай холбоотойгоор замыг түр хугацаанд хаасан. Гэхдээ энэ нь замын хөдөлгөөн эрчимтэй болж эхлэхээс өмнөх үйл явдал юм” гэв.