“Чингис хаан, хаад язгууртны музей“ аравдугаар сарын 11-нд нээлтээ хийхтэй холбогдуулан албаныхан мэдээлэл хийсэн юм. Энэ үеэр музейн захирал, академич С.Чулуун дараах байр суурийг илэрхийллээ.

Тэрбээр  "Музейг байгуулах, боловсон хүчнийг бүрдүүлэх, сан хөмрөгийг баяжуулах ажил явагдаж байгаа. Музейн гол онцлог нь Монголын анхны төрт улс Хүннүгээс эхлэн Их Монгол улс, Юань улс, Чингис хааны угсаатан, алтан ургийн хаад ноёдын түүхийг бүрэн цогцоор нь харуулсан. Нийт 11 мянга гаруй үзмэр тавигдаж байгаа. Тиймээс нэг үгээр бол музейд хангалттай дурсгал тавигдсан" гэлээ.