Харилцаа холбооны зохицуулах хорооноос жил бүр уламжлал болгон зохион байгуулдаг “Харилцаа холбооны хөгжил-2022” бүсийн арга хэмжээ 2022 оны аравдугаар сарын 7-8-ны өдрүүдэд Дархан-Уул аймагт зохион байгуулагджээ.

        Тус  арга хэмжээнд Цахим хөгжил, харилцаа холбооны яам, Дархан-Уул, Орхон, Булган, Сэлэнгэ, Хөвсгөл аймгийн бүс нутагт харилцаа холбооны тусгай зөвшөөрөл эзэмшигч, үйлчилгээ эрхлэгч 90 байгууллагын төлөөлөл болон Huawei, ZTE, ICT групп, summit зэрэг компаниуд оролцож байна. Бүсийн зөвлөгөөн нь 2022 оны аравдугаар сарын 7-ны өдөр харилцаа холбооны салбарын бодлого, зохицуулалтын цаашдын чиг хандлага, бүс нутгийн үйлчилгээ эрхлэгчдийн тулгамдаж буй асуудал гарц шийдлийн талаар илтгэл тавьж, хэлэлцүүлэг өрнүүлэн амжилттай боллоо.