Гарцаар гарч явсан хоёр хүүхдийг Nissan Тiidaа загварын автомашины жолооч мөргөж байгаа дүрс бичлэг цахим орчинд цацагдсан билээ. Тус зам тээврийн ослын талаар Тээврийн цагдаагийн албаны урьдчилан сэргийлэх хэлтсийн ахлах мэргэжилтэн хошууч Г.Отгонтамираас тодруулахад “Өчигдөр 8:00 цагт Баянгол дүүргийн 262 дугаар цэцэрлэгийн хажуугийн зам дээр таван болон 11 настай хоёр хүүхдийг автомашины жолооч мөргөсөн хэрэг гарсан. Одоогоор хоёр хүүхэд эрүүл мэндийн байгууллагын хяналтад байгаа. Тус машины жолооч архи, согтууруулах ундааны зүйл хэрэглээгүй  байсан. Одоогоор ослыг мөрдөн шалгаж байна" гэв.