Эрдэнэбүрэнгийн УЦС-ын төслийг танилцуулж, сэтгүүлчдийн асуултад мэргэжилтнүүд нээлттэй хариуллаа.

      Энэ үеэр Эрдэнэбүрэнгийн УСЦ төслийн дарга  Ч.Гантулга  төслөө танилцуулж мэдээлэл өглөө.Тэрбээр “Би 2021 оны наймдугаар сараас хойш  Эрдэнэбүрэнгийн УСЦ-ын төсөл дээр ажиллаж эхэлсэн. Энэ хугацаанд 3-5 удаа иргэдтэй уулзаж, санал солилцож, мэдээлэл өгсөн. Ц.Сосорбарам инженер ч хэд хэдэн удаа очиж мэргэжлийн хүний зүгээс зөвлөгөө өгч, бодит мэдээ мэдээллийг танилцуулж байсан. Тэгэх үедээ нутгийн иргэдтэй маргалдаж, гараа хугалуулж ч байсан удаатай. Усан цахилгаан станц барих газар 1200 гаруй иргэн амьдарч байгаа. Тэдгээр иргэн тус бүрд нэг удаа 15,200,000 төгрөгийн нөхөн олговор олгохоор болсон. Баян-Өлгий аймгийн Баяннуур сумын Цэцэгт баг, Увс аймгийн Өмнөговь сумын Улиаст баг хоёрыг нүүлгэн шинээр бүтээн байгуулах ажлыг хийхээр төлөвлөөд явж байна. Гэвч иргэд зөвшөөрөөгүйн улмаас зогсонги байдалд орсон. Иргэдийг нүүлгэн шилжүүлнэ гэдэг амаргүй ажил, тэрнийг ч бид мэдэж  байгаа. Бид аймгуудын засаг дарга нартай ярилцаад шинээр газар төлөвлөсөн. Иргэдээс санал хүсэлтийг нь аваад, тухайн орон нутаг бэлчээрийн даацаа тооцоод, иргэдийн хүсэлтээр зэргэлдээ гурван сум руу гаа нүүх ажлыг зохион байгуулна. Дийлэнх хувь нь зөвшөөрч гарын үсгээ зурсан. Цөөн тооны иргэд учирлаж, тайлбарласан ч эсэргүүцэн дайрч давшилж байгаа. Улаанбаатар хотод амьдардаг ч эдгээр багуудад байгаа газрын эзэмшилтэй иргэдтэй ажиллах хүндрэлтэй байна. Бид хамгийн зөв замаар судалгаан дээр үндэслэн  энэ төслийг хэрэгжүүлэхээр хичээнэ. Энэ асуудал дээр сэтгүүлч нар бид нарыг ард иргэдийн  амьдрах боломжийг булааж байна гэж элдэв мэдээлэл цацаж байна. Тэр олон хүнтэй  эв дүйтэй зохицох үнэхээр хэцүү шүү дээ. Биднийг дэмжиж ажлаасаа гэж хүсэж байна. Бүх зүйл хуулийн дагуу баримт нотолгоо дээр үндэслэн хийгдэнэ” гэлээ.