• Өнөөдөр 2022-08-20

Амттай шорлог хийх таван жор

2022-07-01,   119

Амралт зугаалгын улирал нэгэнт эхэлжээ. Хөдөө хээр зугаалгаар явахдаа гэр бүл, найз нөхдөдөө хийх өгөх амттай шорлогын таван жорыг танд хүргэж байна.

 Улаан дарсаар амталсан үхрийн махан шорлог

  • 200мл хуурай улаан дарс
  • 50мл оливын тос
  • Розмарин амталгаагаар
  • Гоньд амталгаагаар
  • Чили /халуун чинжүү/ амталгаагаар

Хийх арга: Оливын тос, дарсыг хольжсайтар хутгаад үлдсэн амтлагчийг хийж хутгана. Ингээд махыг амталж холиод  тасалгааны температурт 30 минут болгоод шорлог хийхэд бэлэн болно.

 

Чихэрлэг сүмстэй үхрийн махан шорлог

  • 1 хоолны халбага бор сахар
  • 2 хумс саримс
  • Давс, хар перец амталгаагаар
  • 2 хоолны халбага оливын тос
  • 2 хоолны халбага бальзамын цуу
  • 1 хоолны халбага гич
  • 1 хоолны халбага гоньд

   Хийх арга: Жижиг аяганд гич, оливын тос, бальзамын цуу, бор сахар, давс, хар перц, жижиглэн хэрчсэн саримс, гоньд, хүсвэл розмаринийг хийж сайтар хутгаж холино. Энэхүү сүмсийг хэрчсэн үхрийн махан дээр тарааж хийгээд сайтар хутгаж амтлаарай. Ингээд хөргөгчид хийж 1-2 цаг байлгана. Эсвэл хонуулсан ч болно Улам л сайхан амттай болно.

  Базилик, ореганогоор амталсан тахиан махан шорлог

  • 3 хоолны халбага оливын тос
  • 1/2 нунтаг сармис/ чеснок
  • 1/2 нимбэгийн шүүс
  • Давс, хар перц амталгаагаар
  • Яншуй амталгаагаар
  • Базилик амталгаагаар
  • Орегано амталгаагаар

Хийх арга: Жижиглэн хэрчсэн амтлагч ургамлууд дээр оливын тос, нимбэгийн шүүс, нунтаг саримс, давс, перецийг хийж сайтар хутгаад тахиан махыг амтлаад 30-60 минут байлгасны дараа шорлог хийж болно.

 Таргаар амталсан загасны махан шорлог

  • 1 ширхэг сонгино
  • 2 хумс саримс
  • 1 цайны аяга тараг
  • 3 хоолны халбага ургамлын тос
  • 1,5 хоолны халбага зөгийн бал
  • 2 хоолны халбага нимбэгний шүүс
  • Гоньд, хар перц, чинжүү, давс амталгаагаар

Хийх арга: Шорлогоо амталж идэх амтат сүмсийг бэлтгэхийн тулд нэг цайны аяга тараг, сармис,  нимбэгний шүүс,  гич,  зөгийн бал, хатаасан ногоон гоньд хийж миксэрдээд л шорлогын амтат сүмс бэлэн боллоо. Шорлогийг шарах явцдаа гадна талаас нь давс, хар перц, паприка, сонгино саримсны нунтаг, гоньд, орегано, лайм шүүс зэргээр амтлаарай. Ер нь загасны мах хурдан болдог учраас таны шорлог түүхийрнэ гэж айх хэрэггүй. Шорлог гадна талаасаа түлэгдэж, мах, ногооны сайхан үнэр анхилах болно.

    Халуун сүмстэй, хонины махан шорлог

  • Сонгино нэг ширхэг
  • 2-3 хумс саримс
  • 30мл нимбэгийн шүүс
  • нунтаг халуун чинжүү
  • давс амталгаагаар

Хийх арга: Сонгино, саримсыг жижиглэн хэрчиж давс, чинжүүгээр амталж сайтар хутгана. Нимбэгийн шүүсийг хийж сайтар хутгаад шорлог хийх махыг бүх талаас нь сайтар амталж хутгаад сэрүүн газар 4-6 цаг байлгана.



 


Амттай шорлог хийх таван жор
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188