• Өнөөдөр 2022-08-20

Наадмаар хийж идэх амттай нийслэл салатны таван жор

2022-06-29,   207

     Монголд нийслэл салат 1960-аад оны үеэс нутагшжээ. Оливийн тос, өндөг, майонез манай улсад орж ирсэн цагаас тэмдэглэлт баяруудаар уг салатыг хоолны хачир болгон хэрэглэж эхэлжээ. Өдгөө нийслэл салат олон төрлөөр жороо баяжуулан айл бүрийн баярын ширээг чимсээр байна.

Тэгвэл бид амттай нийслэл салат бэлтгэх жоруудыг танилцуулж байна.

ТАХИАН МАХТАЙ “НИЙСЛЭЛ” САЛАТ

Хийх арга:   

  Тахиа болон үхрийн мах, төмс луувангаа зөөлөртөл нь чанаж болгоод, бүгдийг нь куб хэлбэртэй хэрчинэ. Өндөгөө ч мөн жижиг хэрчинэ. Бусад бүх орцын хамт холиод, давс болон бусад амтлагчаа өөрийн хүссэнээр тааруулж, майонезаар хутгаарай.

Орц:   

  • Төмс
  • Лууван
  • Сонгино
  • Даршилсан өргөст хэмх
  • Алим
  • Амтлах төдий ногоон вандуй
  • Тахианы цээж мах
  • Үхрийн цул мах
  • Чанасан өндөг
  • Лимон
  • Майонез
  • Бусад амтлагч

ГЭРИЙН МАЙОНЕЗООР АМТАЛСАН САМ ХОРХОЙТОЙ “НИЙСЛЭЛ” САЛАТ

 

Хийх арга:

   Салатанд хийх луувангаа чанаж болгоод, мөн л жижиг куб хэлбэртэй хэрчинэ. Мөн авокадо, өргөст хэмхээ ч гэсэн хальслаад жижиг дөрвөлжин хэрчээрэй. Харин энэ хооронд майонезаа бэлдье. Самраа (газрын самар, хушны самар) хальсалж угаагаад, хүйтэн усанд 2-3 цаг сойно. Дараа нь самраа миксердээд, үүнийгээ бусад лимоны шүүс, дарс, тос, хуурай гичтэйгээ сайтар холиорой.

Салатны орц:   

  • Сам хорхой
  • Авокадо
  • Лууван
  • Ногоон өргөст хэмх
  • Ногоон вандуй
  • Чанасан өндөг

Майонезны орц:   

  • Самар
  • Авокадо
  • Хуурай гич
  • Цагаан дарс
  • Лимоны шүүс
  • Оливийн тос
  • Давс
  • Хар перец
  • Сармис

ОРОС МАЯГИЙН САЛАТ

Хийх арга:

  Төмс, луувангаа хэт зөөлөн биш, хатуу ч биш чанаж болгоод жижигхэн куб хэлбэртэй хэрчинэ. Хиам, өргөст хэмхээ ч гэсэн жижиг дөрвөлжин хэрчээд, давс болно сонгиноор амтлаад, майонез, цөцгийгөөр хутгана.

Орц:   

  • Төмс
  • Лууван
  • Дарсан өргөст хэмх
  • Ногоон вандуй
  • Хиам
  • Цөцгий
  • Маойнез
  • Давс

МӨӨГТЭЙ “НИЙСЛЭЛ” САЛАТ

     Энэхүү салат нь цагаан хоолтнуудад зориулсан буюу ямар ч мах, махан төрлийн бүтээгдэхүүн ордгүйгээрээ онцлог юм.

Хийх арга:

  Төмс, лууван, өндөгөө чанаад жижиг дөрвөлжин хэрчинэ. Бусад орцоо ч мөн адил. Харин мөөгөө 3-4 хуваагаад хийгээрэй. Хамгийн сүүлд амтлагчуудаа хийгээд, майонезаараа хутгах бөгөөд даршилсан өргөст хэмхний шүүсээр үл ялиг амт оруулж болно.

 Орц:   

  • Төмс
  • Өндөг
  • Даршилсан өргөст хэмх
  • Ногоон вандуй
  • Сонгино
  • Майонез
  • Шинэхэн цагаан мөөг

 

ЗАГАСТАЙ “НИЙСЛЭЛ” САЛАТ

Хийх арга:

    Төмс, өндөгөө болтол нь чанаад жижиг дөрвөлжин хэрчинэ. Яргай загас, болон өргөст хэмхээ өөрийн хүссэнээр хоёуланг нь ижилхэн хэрчээд түрс болон майонезаараа амтлаарай. 

Орц:

  • Төмс
  • Өндөг
  • Давсалсан яргай загас
  • Даршилсан өргөст хэмх
  • Майонез
  • Загасны түрс

 

 


Наадмаар хийж идэх амттай нийслэл салатны таван жор
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188