• Өнөөдөр 2021-11-30

Хоёр сарын өмнө алга болсон 52 настай эрэгтэйг олоогүй байна

2021-11-25,   165

      Баянзүрх дүүргийн 24 дүгээр хороо “Цагаан даваа”-ны хогийн цэгийн орчим Баянзүрх дүүргийн есдүгээр хорооны иргэн Б, 52 настай, эрэгтэй есдүгээр сарын 17-нд сураггүй болжээ. “Эрэн хайх ажиллагаанд дэмжлэг хэрэгтэй байна” гэх хүсэлтийг өчигдөр 10:13 цагт Онцгой байдлын ерөнхий газар  хүлээн авсан байна.

    Баянзүрх дүүргийн Онцгой байдлын хэлтсийн Гал түймэр унтраах, аврах 63 дугаар анги, Гал түймэр унтраах, аврах 35 дугаар анги, нийслэлийн Аврах анги-105, Баянзүрх дүүргийн  Цагдаагийн хоёрдугаар хэлтсийн алба хаагчид, ар гэрийнхэн мөн өдрийн 10:40 цагаас эрэн хайх ажиллагааг зохион байгуулж “Цагаан даваа”-ны хогийн / 47°57’32.40”N  106°59’26.09”E/ цэгээс эхэлж Баянзүрх дүүргийн есдүгээр хороо “Ээж хайрхан”, Батлан хамгаалах яамны хээрийн сургалтын төв, “Тоосгоны үйлдвэр”, Баянзүрх дүүргийн тавдугаар хороо “Алтан-Өлгий”-н оршуулга гэх газар хүртэл явганаар 11 км-т зохион байгуулж үр дүнд хүрээгүй тул эрлийг түр зогсоосон байна.


Хоёр сарын өмнө алга болсон 52 настай эрэгтэйг олоогүй байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188