Урин дулаан цаг өнгөрч, намрын сэрүү орсон ч өнгөнд нь “дулаацах” энэ улиралд  зохиогдох зургаан арга хэмжээг онцолж байна.

1. “Улаанбаатар” кино наадам

Монголын кино урлагийг хөгжүүлэх, салбарын уран бүтээлчдийн чадавхыг бэхжүүлж, олон улсын хамтын ажиллагаа, өрсөлдөх чадварыг нэмэгдүүлэх, дэлхийн шилдэг кино бүтээлүүдийг Монголын үзэгчдэд хүргэх зорилготой 12 дахь удаагийн “Улаанбаатар” олон улсын кино наадам зохион байгуулагдаж байна.

Хаана: Тэнгис кино театрт

Хэзээ: 2020 оны аравдугаар сарын 19-25 нд болно.

2. “Анна Каренина” жүжгийн нээлт

Лев Толстойн “Анна Каренина” романаас сэдэвлэн бичсэн хоёр бүлэгт, 23 үзэгдэлт жүжиг нээх гэж байна.

Эмэгтэй хүний эмзэг нандин чанар, хайр сэтгэлийн төлөөх тэмцэл болоод гэр бүл, хосуудын харилцаа, амьдралын тухай өгүүлэх энэхүү гайхамшигтай романыг Монголд анх удаа Улсын драмын эрдмийн театрын хамт олон тайзны бүтээл болгохоор бэлдэж байна.

Тус романыг жүжгийн зохиол болгон Норовын Пүрэвдагва бичсэн бол, Найруулагчаар нь Төрийн соёрхолт Н.Наранбаатар, зураачаар соёлын тэргүүний ажилтан Т.Ганхуяг, хөгжмийн зохиолчоор соёлын тэргүүний ажилтан Ш.Өлзийбаяр нар ажиллаж байна.

Хаана: Улсын драмын эрдмийн театрт

Хэзээ: 2020 оны аравдугаар сарын 1-ний өдөр зохион байгуулагдана.

3. “Цэнхэр шувууд” уран бүтээлчдийн нэгдлийн нээлт

Contemporary arts буюу одоо үеийн урлагийн нэжгээд төрлийг Монголдоо хөгжүүлэх, сэтгэлгээний хувьсал руу зорьж буй чөлөөт уран бүтээлчдээс бүрдсэн “Цэнхэр шувууд” нэгдлийн нээлт  болно.

Хаана: Монголын уран зургийн галерей

Хэзээ: 2020 оны есдүгээр сарын 18-нд зохион байгуулагдана.

4. “Фауст” жүжгийн нээлт

Альфа постдрамын театр нь Германы зохиолч, судлаач  И.В.Гётегийн бүтээл - "Фауст" жүжгээр шинэхэн театрын нээлтээ хийх гэж байна.  

В.И.Гёте нь “Фауст” жүжгийг бичихэд амьдралынхаа 60 жилийг зарцуулсан гэдэг бөгөөд Утга төгс халил бүхий уран нарийн хэллэгээр бичигдсэн энэхүү зохиол нь дэлхийн уран зохиолын “Ноён оргил” билээ.

Хаана: “Corporate hotel & Convention center”-д

Хэзээ: 2020 оны есдүгээр сарын 17-нд нээлтээ хийнэ.

5. Үндэсний номын баяр

Жил бүр уламжлал болон зохиогддог “Үндэсний номын баяр” зохион байгуулагдах гэж байна. Ном, хэвлэлийн салбарын үйл ажиллагаа, номын үзэсгэлэн, шинэ номын нээлт, хямдралтай худалдаа, зохиолчийн гарын үсэгтэй номын худалдаа зэрэг олон төрлийн үйл ажиллагаа зохион байгуулагдана.

Хаана: Сүхбаатрын талбайд

Хэзээ: 2020 оны есдүгээр сарын 19-ны өдрөөс эхэлнэ.

5. “Dreamers’ Day”

2009 оноос хойш зохиогдож буй Монголын анхны арт кино өдөрлөг агаад олон улсын үе үеийн шилдэг кинонуудыг хадмал орчуулгатай хүргэдгээрээ онцлогтой. Тус өдөрлөг нь сонгодог болон арт хаус киног илүү өргөн хүрээнд таниулж, сонирхолтой содон бүтээлүүдийг олны хүртээл болгож, кино урлагийг сонирхож, судалдаг хүмүүсийг нэгтгэх зорилготой.

Хаана: “Улаанбаатар” чуулгад

Хэзээ: Бямба гараг бүр зохион байгуулагдаж байна.

6. “Намар 2020” үзэсгэлэн

Монголын урчуудын эвлэлийн хорооноос гишүүн уран бүтээлчдийнхээ дунд уламжлал болгон зохион байгуулдаг “Намар 2020” үзэсгэлэнгийн нээлт  болно.

Хаана: Монголын урчуудын эвлэлд

Хэзээ: 2020 оны есдүгээр сарын 15-нд нээлтээ хийнэ.