Эквадор Улсад жүдо бөхийн өсвөр үеийн дэлхийн аварга шалгаруулах тэмцээн үргэлжилж байна. “Гүрү Дорж” дэвжээний тамирчин Жамъянгийн Энхтөр өсвөр үеийн хөвгүүдийн 60 кг-ын жинд ДАШТ-ээс хүрэл медаль хүртлээ. Тэрбээр дөрөвний нэгийн хагас шигшээ барилдаанд Канадын Roman Semyrozum-д хожигдож, А.Даваабаатарыг ялж, хүрэл медалийн эзэн болсон байна.  Харин Амгаланбаатарын Даваабаатар торгуулийн тойрогт Украины тамирчинг ялж, хүрэл медалийн төлөөх барилдаанд Ж.Энхтөрийг хожиж яваад, харамсалтайгаар ялагдаж, шагналт 5-р байрт оржээ. ДАШТ-ий охидын 44 кг-ын жинд Цогбадрахын Амин-Эрдэнэ шагналт 5-р байрт шалгарлаа. Тэрбээр торгуулийн тойрогт Бельгийн тамирчинг ялж, хүрэл медалийн төлөөх барилдаанд Польшийн тамирчин JUlia Blaszczyk-т ялагдаж тавдугаар байрт орлоо.