Японы Осака хотын Сакай дүүрэгт байрладаг “Такахаши жүдо академи”-ийн багш Юүки Такахаши, А.Сарангуа хоёр япон шавь нарынхаа хамт Монголд ирж, “Монголын жүдо академи”-ийн шавь нартайгаа долоо хоногийн хамтарсан бэлтгэл сургалт зохион байгууллаа.

    Манай оронд анх удаа ирсэн бяцхан япон жүдочид бэлтгэлээс гадна монгол өв соёл, зан заншил, байгалийн сайхантай танилцаж сэтгэл өндөр буцлаа. Юүки Такахаши, Сарангуа хоёр багш “Монголын жүдо академи”-д багшилж байгаад 2021 оноос Японы Осака хотын Сакай дүүрэгт “Такахаши жүдо академи” байгуулан ажиллаж байгаа юм.