Нийслэлийн ерөнхий боловсролын “Мон-Алтиус” ахлах сургуулийн 10-ын “А” ангийн сурагч улсын шонхор Р.Омард хүндэтгэл үзүүлэх  бэсрэг наадам болов. Тус бэсрэг наадам  Дархан-Уул аймгийн Хонгор сумын 2-р багийн нутаг Мухартын голд зохион байгуулагдлаа.

   Бэсрэг наадамд Хонгор сумын ард иргэд болон аав, ээж, ах, дүү, хамаатан садан мөн “Дархан Хайрхан” бөхийн дэвжээний удирдлага хамт олон оролцлоо. Дархан Уул аймгийн Засаг дарга Б.Азжаргал хүрэлцэн очиж, баяр хүргэж амжилт хүслээ. Тус бэсрэг наадамд гурван насны ангиллаар хүүхдүүдийн барилдаан зохион байгуулагдсан бөгөөд ахлах насны ангилалд Р.Омарын үеэл түрүүлж дааганы эзэн болов.