БХЯ-ны зэвсэгт хүчний “Алдар” спорт хорооны тамирчин, спортын мастер Амгалантөгсийн Амар-Орчлон Хэнтий аймгийн Хэрлэн сумын Өлзийт тосгонд  2007 онд мэндэлжээ. Тэрбээр анх 2018 онд Хэнтий аймгийн Дадал суманд хөдөө гэртээ гэр бүлээрэй “Цагаан хадаг” киног үзжээ. Тамирчны амьдралыг харуулсан тэр кино түүнд их таалагджээ. Тэгээд л тамирчин болох сэдэл төрсөн гэдэг.

     А.Амар-Орчлон чөлөөт бөхийн секцэнд ороод долоо ч хоноогүй байх даа Хэнтий аймгийн аварга шалгаруулах тэмцээний 30 кг-ын жинд өрсөлдөж алтан медаль хүртжээ. Түүнээс урамшин “ Барилдаж болох юм байна гэсэн урам, хүсэл тэмүүллийг авсан гэдэг. А.Амар-Орчлон 2019 онд ОХУ-ын Кижингэ хотод болсон өсвөр үеийн олон улсын тэмцээний 30 кг-ын жинд  хүрэл медаль хүртэж байсан. Өсвөр үеийн УАШТ-ний алт, мөнгөн медальтай.  Залуучуудын “U20” ангиллын УАШТ-ий алт, мөнгө,  “U23” ангиллын УАШТ-ээс мөнгөн медаль хүртэж байсан.