Батлан хамгаалах яамны “Алдар” спорт хороо, зэвсэгт хүчний 311 дүгээр ангийн тамирчин Бямбасүрэнгийн Мөнхнар 1999 оны энэ өдөр Улаанбаатар хотод мэндэлжээ. Тэрбээр чөлөөт бөхийн спортоор 2012 оноос эхлэн хичээллэж байгаа.  “Алдар” спорт хорооны багш, МУГД Цэрэнбаатарын Хосбаяр, МУГТ, ДАШТ-ий хүрэл медальт Цэрэнбаатарын Цогтбаяр гэдэг хоёр мундаг багшийн шавь болж бэлтгэл, сургуулилалтаа хийж эхэлсэн. Одоо МУГТ Бадрахын Одончимэг, МУГТ Ганзоригийн Мандахнаран, МУГД Ц.Хосбаяр багш нарынхаа удирдлага дор бэлтгэлээ хийж хийдэг.

         ОУХМ Бямбасүрэнгийн Мөнхнар чөлөөт бөхийн цэрэг, армийн дэлхийн аварга, насанд хүрэгчдийн Азийн аваргын хүрэл, өвсөр үеийн дэлхийн аварга шалгаруулах тэмцээний хүрэл медальтай, Өсвөр үе, залуучууд, насан хүрэгчдийн улсын аварга шалгаруулах тэмцээний алт, мөнгө, хүрэл медальтай. 2025 оны насанд хүрэгчдийн УАШТ-д түрүүүлсэн. 2025 оны насанд хүрэгчдийн ДАШТ-ий сорил, сонгон шалгаруулах тэмцээнд түрүүлж, ДАШТ-д өрсөлдөх эрхээ аваад байгаа.