Өвлийн триатлоны тамирчин Нямбуугийн Алтаншагай, Лувсандагвын Баярцэнгэл нар дэлхийн цомын тэмцээнд шагналт байрт шалгарч, Олон улсын хэмжээний мастер цолын болзол хангасан билээ. Ийнхүү Монголын триатлонд анхдагч болсон тэдний ОУХМ цолны үнэмлэх тэмдгийг триатлоны УАШТ-ий үеэр гардуулж өглөө. Мөн үеэр залуу триатлонч Содовжамцын Содончимэг, Цогийн Аяс нар спортын мастер цол тэмдгээ хүлээн авлаа.