“Практикал даатгал” ХХК нь сагсан бөмбөгийн  “Ulaanbaatar Amazons” баг тамирчдын түүхэн амжилтыг өндрөөр үнэлж, 2028 оны зуны олимп хүртэл нийт 1.53 тэрбум төгрөгийн хамгаалалттай гадаад аялал, спортоос үүдэлтэй гэмтэл, бэртэл, эрсдэлээс сэргийлэх иж бүрэн даатгалаар хамгаалахаар боллоо.

      Тэд  2020 оноос эхлэн өнөөдрийг хүртэл Монгол Улсын эрэгтэй, эмэгтэй 3x3 сагсан бөмбөгийн шигшээ баг тамирчдыг олон улсын бүх шатны тэмцээнд оролцоход нь зориулж спортын бүх төрлийн даатгалын үйлчилгээг үзүүлсээр иржээ.

     Энэ жил “Ulaanbaatar Amazon’s” багийн тамирчид дэлхийн аварга шалгаруулах тэмцээнээс мөнгөн медаль хүртэж, Монгол Улсын сагсан бөмбөгийн түүхэнд шинэ хуудас нээсэн төдийгүй гавьяат тамирчдын эгнээнд багтсан бахархам амжилтыг бүтээсэн билээ.