Жүдо бөхийн дэлхийн аварга шалгаруулах тэмцээний хүрэл медальт, Хэнтий аймгийн Баянхутаг сумын уугуул Б.Ганхайч төрөлх Хэнтий аймагтаа багш, дасгалжуулагч болон Үндэсний шигшээ багийн тамирчдын хамт хүрэлцэн очоод байна. Түүнийг Хэнтий аймгийн болон Баянхутаг сумын удирдлагууд “Чингис хаалга”-н дээр хүндэтгэлтэйгээр угтан авч, өнөөдөр нутгийн зон олон нь хүндэтгэлийн мялаалга наадмыг зохион байгуулан эхлүүллээ.

     Хүндэтгэл үзүүлэх мялаалга наадмыг Хэнтий аймгийн Засаг даргын Тамгын газар, Баянхутаг сумын ЗДТГ хамтран зохион байгуулж байгаа бөгөөд энэ хүрээнд соёолон насны хурдан морины уралдаан, хүчит 64 бөхийн барилдаан, өсвөрийн 32 бөхийн барилдаан зэрэг болох юм.