Дэлхийн шатрын холбооны “U20” хүртэлх насны “Топ-100” охидын чансааг 2025 оны наймдугаар сарын 1-ний өдөр гаргажээ. ДШХ-ны “Топ-100” дотор манай таван шатарчин охин бичигдсэн байна.

Дэлхийн чансааны 100-д багтсан Монгол охид:

“WIM” Бат-Эрдэнийн Мөнгөнзул дэлхийн чансааны 18.

“WFM” Хишигбаатарын Баясгалан 52

“WIM” Баянмөнхийн Амин-Эрдэнэ  61

“WFM” Батпэлдэнгийн Буянхишиг  71

“WCM” Энх-Амгалангийн Эмүжин 91

“WFM” Энх-Амгалангийн Энхрий, “WFM” Эрдэнэбаярын Хүслэн, “WIM” Даваахүүгийн Мөнхзул нар маань чансаагаа унагаасан байна. Уг нь манайхаас найман охин дэлхийн чансааны 100-д бичигдэх бүрэн боломжтой байжээ.

     Одоогийн байдлаар 13 настай “WFM” Батпэлдэнгийн Буянхишиг “U20” хүртэлх насны “Топ-100” руу ороод ирсэн байгаа нь бас их сэтгэгдэл төрүүлж байгаа. Түүний араас “WIM” Баярсайханы Хулан, “WFM” Нямдаваагийн Энхболор, “WCM” Балданжанцангийн Хүслэнзаяа, “WFM” Гурванбаатарын Урангоо, “WCM” Эрдэнэсайханы Зол-Учрал, “WCM” Мөнхпүрэвийн Маргад, “WCM” Наранболдын Содгэрэлт, “WCM” Шаравдоржийн Оюунгэрэл, “WCM” Зоригоогийн Нарансолонго, “WCM” Доржсүрэнгийн Цэлмүүн, Мягмарын Цэлмэг гээд цааш үргэлжлэх байна.