Монгол Улсын “U23” үндэсний шигшээ багийн ахлах дасгалжуулагчаар Бразил Улсын мэргэжилтэн Артур Феррейра дахин томилогдон ажиллахаар боллоо. Тэрбээр “CONMEBOL”-оос бүрэн хүлээн зөвшөөрөгдсөн дасгалжуулагч юм. Бразилын хөл бөмбөгийн холбоо (CBF)-ны "Pro" зэрэгтэй мэргэжлийн дасгалжуулагч бөгөөд олон улсын түвшний өргөн туршлага, нарийн тактик, манлайллын ур чадвараараа танигдсан дасгалжуулагч билээ.

     Артур Феррейра дасгалжуулагч өнгөрсөн хоёр жилийн хугацаанд Монголын хөл бөмбөгийн хөгжлийн төлөө тууштай, тогтвортой ажиллаж, “SP Falcons” клубийг хоёр удаа Монголын “Премьер лиг”-ийн аварга, нэг удаа холбооны цомын эзэн болгосон бахдам амжилт бүтээсэн.

    Түүний гүнзгий мэдлэг, мэргэжлийн өндөр ур чадвар цаашид Монголын залуу тамирчдыг хөгжүүлэх, олон улсын тэмцээнд амжилттай оролцох, аварга болох зорилгодоо хүрэхэд нь чухал хувь нэмэр оруулна гэдэгт эргэлзэхгүй байна.