Боксын 2025 оны Азийн аварга шалгаруулах идэрчүүдийн “U19” болон залуучуудын “U22” тэмцээн гурав дахь өдрөө амжилттай үргэлжилж байна.  Эмэгтэйчүүдийн “U22” насны 51 кг-ын жинд Э.Номундарь Өмнөд Солонгосын тамирчныг илүүрхэн ялж, дараагийн шатанд шалгарсан.

      Мөн эрэгтэйчүүдийн “U22” насны ангиллын 55 кг-ын жинд Х.Дөлгөөнсайхан Малайзын тамирчинг мөн л илүүрхэн ялалт байгууллаа. Эмэгтэйчүүдийн 45-48 кг жинд С.Биндэръяа Тайландын тамирчинг ялсан бол эрэгтэйчүүдийн “U19” насны ангилалд Ц.Манал Бутаны тамирчинг ялж Монголын багийн ээлжит ялалтыг авчирлаа. Б.Амгаланбаатар (U19)-д, А.Тэнгис (U19)-д, С.Золбоо (U19), Э.Урангоо (U19), Д.Гэрэлсайхан (U22) нар ялагдал хүлээж тэмцээнээ өндөрлүүллээ.