Энэ өдөр жүдо бөхийн Зүүн Азийн аварга, ОУХМ Цэрэгбаатарын Хулан энэ өдөр Говь-Алтай аймгийн Бигэр суманд мэндэлжээ. Тэрбээр манай 57 кг-ын жингийн нэгэн үеийн шилдэг тамирчдын нэг байлаа. Ц.Хулан “Тбилис 2017” их дуулгын “А” хэсгийн нэгдүгээр тойрогт  Гүржийн Mariam TSIKHELASHVILI-ийг ялж,  “А” хэсгийн аваргын төлөөх барилдаанд олимп, дэлхийн аварга Бразилын  алдарт жүдочин Rafaela SILVA хожигдож, улмаар дагах тойрогт Словенийн Kaja KAJZER-ийг ялж байв. Хүрэл медалийн төлөөх барилдаанд  Нидерландын Margriet BERGSTRA-д ялагдан шагналт тавдугаар байрт шалгарч байсан юм.

       Харин  “Анталияа 2017” гран при тэмцээний 57 кг-ын “В” хэсгийн нэгдүгээр тойрогт Туркийн Seyma OZERLER-ыг ялсан. Улмаар “В” хэсгийн аваргын төлөөх барилдаанд  ОХУ-ын Aigul KUTSENKO-г ялж, шөвгийн дөрөвт олимпын аварга, Косовагийн Nora GJAKOVA-д хожигдсон. Хүрэл медалийн төлөөх барилдаанд Казахстаны Sevara NISHANBAYEVA-г ялж,  Туркийн гран при тэмцээнээс хүрэл медаль хүртэж байсан билээ.