Усан спортын дэлхийн аварга шалгаруулах тэмцээн Сингапур Улсад 2025 оны дол дугаар сарын 11-нээс наймдугаар сарын 3-ны өдрүүдэд зохион байгуулагдаж байна. ОУОХ-ны гишүүн, МҮОХ-ны ерөнхийлөгч Б. Баттүшиг Сингапур Улсад айлчилж, Усан спортын ДАШТ болон дэлхийн усан спортын Конгресст урилгаар оролцлоо.
ОУОХ-ны гишүүн Б. Баттүшиг энэ үеэр ОУОХ-ны ерөнхийлөгч хатагтай Кирсти Ковентритэй финалын хэд хэдэн тэмцээн уралдааныг үзэж сонирхсноос гадна олон улсын олимпын зүтгэлтнүүдтэй албан уулзалтууд хийв. ОУОХ-ны “Хүндэт ерөнхийлөгч” доктор Томас Бах, Дэлхийн усан спортын холбооны ерөнхийлөгч бөгөөд Азийн олимпын зөвлөлийн ерөнхий захирал Хусейн Ал-Мусаллам оролцов.
Мөн зохион байгуулагч Сингапурын ҮОХ-ны ерөнхийлөгч, сайд Грэйс Фу, Казахстаны ҮОХ-ны ерөнхийлөгч Геннадий Головкин, Японы ҮОХ-ны шинээр сонгогдсон анхны эмэгтэй ерөнхийлөгч бөгөөд “Токио 2020” ЗБХ-ны дарга асан Хашимото Сэйко хатагтай болон Европын олимпын хорооны ерөнхийлөгч Спирос Капралос нартай уулзаж, олимпын хөдөлгөөний талаар санал солилцов.
| ОЛОН УЛСЫН ОЛИМПЫН ЗҮТГЭЛТНҮҮД СИНГАПУР УЛСАД ЧУУЛАВ |
|
Ховд аймагт холимог тулаанч Б.Энх-Оргилыг 20 сая төгрөгөөр шагнав
2026-01-10 10:09:54
Ч.Ундрам Төв аймгийн БТСГ-ын үйл ажиллагаатай танилцлаа
2026-01-10 09:38:20
Тив, дэлхийн медальтан Т.Түвшинтулга зодог тайллаа
2026-01-10 09:28:26
Чөлөөт бөхийн улсын аваргын эхний өдрийн аваргууд тодорлоо
2026-01-10 07:05:00
| Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц |
| 7509-1188 |
