Чөлөөт бөхийн “U17”  насны  ангиллын дэлхийн аварга шалгаруулах тэмцээн Грек Улсын Афин хотод эхэллээ. Энэ удаагийн ДАШТ-д манай улсаас гурван охин, гурван хөвгүүн, нийт зургаан тамирчин оролцож байгаа ба эхний өдөр манай хоёр бөх дэвжээнд гарч барилдлаа.  Охидын 73 кг жинд 2024 оны “U173 хүртэлх насны Ази тивийн аварга шалгаруулах тэмцээний мөнгөн медальт Ц.Уранзаяа шөвгийн 16-д энэ оны “U17” хүртэлх насны Пан-Америкийн аварга АНУ-ын Элла Жо Поалиллод ялагдлаа. АНУ-ын бөх Элла Жо Поалилло хагас шигшээ барилдаанд Энэтхэгийн шилдэг бөх К.Кажалд ялагдсанаар Ц.Уранзаяа дагаж барилдах боломжгүй боллоо. 

     Харин 65 кг-ын жинд барилдсан Э.Анужин шөвгийн 16-д энэ оны “U17” хүртэлх насны Европын аваргын хүрэл медальт Туркийн Киемет Румесаг цэвэр яллаа. Улмаар хэсгийн аваргын төлөө Ази тивийн аваргын гурван алтан медальт Энэтхэгийн Ашвини Вишноид ялагдлаа. Манай бөхийг ялсан Энэтхэгийн бөх цааш финалд шалгарсан тул Э.Анужин дагах барилдаан хийх улмаар медалийн төлөө барилдах боломжтой болов.