Манай 3х3-ын сагсан бөмбөгийн “Улаанбаатар ММС Энержи” баг Канад Улсын Эдмонтон хотод очиж бэлтгэлдээ ороод байна. Тэд “FIBA”-гийн 3х3-ын дэлхийн цуврал тэмцээн болох “Edmonton 2025”-д оролцохоор Канад Улсад очоод байгаа юм. Манай багийн ахлагч Д.Дэлгэрнямаас Канадын телевиз ярилцлага авлаа.  

     Эдмонтоны цувралд дэлхийн шилдэг 12 баг өрсөлдөх бөгөөд тэмцээн наймдугаар сарын 2-3-ны өдрүүдэд тэмцээн болж аваргаа тодруулах юм. Энэ удаагийн тэмцээнд өрсөлдөх “Улаанбаатар ММС Энержи” багийн бүрэлдэхүүнд Д.Дэлгэрням, Э.Энхбаатар, А.Ананд, Ц.Отгонжаргал нар багтжээ. Манай баг “C” хэсэгт АНУ-ын “Миами” болон Венесуэл Улсын “Каракас” багуудтай тоглох хуваарьтай байгаа.