Холбоодын нэгдсэн улсын аварга анх зохиогдсоноос хойш дөрөв дэх жилдээ дараалан хөтөлбөрт нь багтаад буй тэргэнцэртэй сэлэмний 2025 оны УАШТ “Буянт-Ухаа” спортын ордонд эхэллээ. Энэ жилийн УАШТ-д 30 гаруй тамирчин эрэгтэй, эмэгтэй ганцаарчилсан болон эрэгтэй багийн төрөлд өрсөлдөж байна. Тамирчид эхний шатанд хэсэгт хуваагдан тойргоор өрсөлдөж, дараа нь хасагдах шатанд тулалдан медальтнуудаа тодруулах юм.

       Өмнөх гурван УАШТ-д дараалан түрүүлээд буй Б.Даваасүрэн, Д.Цолмон нарын шилдгүүд дөрөв дэх алтаа авахаар улсын аваргадаа хүрэлцэн ирээд буй. Мөн өнгөрсөн оны наймдугаар сард болсон “Прогресс Кап” тэмцээнд түрүүлж, ур чадвар нь эрс сайжирч буйгаа харуулсан Н.Булган, улсын гурван удаагийн аварга Б.Даваасүрэнгийн амжилтын цувралыг зогсоохын төлөө зүтгэх сонирхолтой тулаанууд биднийг хүлээж байна.