Монгол Улсын анхдугаар Үндсэн хуулиа баталж, Монгол Улсаа тунхагласны 98 жилийн ойн баярыг тохиолдуулан Дархан-Уул аймаг үндэсний бөхийн барилдааныг зохион байгууллаа.

      Энэ удаагийн барилдаанд 32 бөх зодоглосноос Увс аймгийн Хяргас сумын харьяат, "Увс нуур дэвжээ"-ний бөх сумын заан Х.Бумбаяр түрүүлж, Дархан-Уул аймгийн Дархан сумын харьяат “Дархан Хайрхан” дэвжээний бөх аймгийн начин Э.Санчир үзүүрлэжээ.

      Харин Дархан-Уул аймгийн Хонгор сумын харьяат аймгийн арслан С.Ерөөлт, Төв аймгийн Баяндэлгэр сумын харьяат “Хангарьд” спорт хорооны бөх аймгийн арслан Ч.Мөнхбат нар шөвгөрлөө.