Сингапур Улсын “Shawn & Gladys Dance” академи, Вьетнам Улсын “Khanh Thi” академийн хамтран зохион байгуулж буй дэлхийн бүжгийн спортын холбооны (WDSF) супер оддын аварга шалгаруулах тэмцээн үргэлжилж байна.

   Тус тэмцээний залуучуудын стандарт бүжгийн тэмцээнд оролцсон Энх-Өлзий, Бямбасүрэн нар маань алтан медаль, латин бүжгийн төрөлд мөнгөн медаль хүртжээ. Мөн залуучуудын ангиллын латин бүжгийн тэмцээнд Тэмүүлэн, Мичидмаа нар хүрэл медаль, стандарт бүжгийн тэмцээнд алтан медаль хүртсэн байна. Дээрх хоёр төрлөөс гадна дахин таван төрлийн тэмцээн тэднийг хүлээж байгаа.