Киргизстан Улсын Бишкек хотод самбо бөхийн дэлхийн аварга шалгаруулах тэмцээн үргэлжилж байна. Энэ удаагийн дэлхийн аваргад 50 орны шилдэг бөхчүүд өрсөлдөж байгаа юм.  Манай улсаас дэлхийн аварга Д.Алтансүх, Д.Пүрэвдорж нарын 17 самбочид барилдаж байна.  Өчигдөр 11-ний өдөр эмэгтэйчүүдийн 50, 54, 59 кг, эрэгтэйчүүдийн 58, 64 кг, байлдааны самбр бөхийн 79, 98 кг-ын жингийн барилдаан явагдсан. Манай улсын бөхчүүд хараахан медаль авч чадаагүй.

     Өнөөдөр болох  эмэгтэйчүүдийн 65, 72 кг, эрэгтэйчүүдийн 71, 88, +98 кг, байлдааны самбо бөхийн 58, 64 кг-ын жинд манай улсын долоон бөх барилдана. Эмэгтэйчүүдийн 65 кг-ын жинд М.Нямгэрэл, Сербийн бөхтэй, -72 кг-д Б.Хонгорзул, Египетийн бөхтэй хүч сорино.

      Эрэгтэйчүүдийн 71 кг-д Д.Алтансүх гоц мөргөн ялалт авсан. Хоёрдугаар тойрогт тэрбээр Армены бөхтэй, 88 кг-д Р.Анхбаяр нэгдүгээр тойрогт гоц мөргөж ялалт авсан. Тэрбээр хоёрдугаар тойрогт Румыны бөхтэй барилдана. Харин Д.Пүрэвдорж нэгдүгээр тойрогт Марокогийн бөхтэй барилдах юм. Байлдааны самбо бөхийн -58 кг-д Г.Баяндүүрэн Өмнөд Солонгосын бөхтэй, 64 кг-д У.Даваасүрэн Марокогийн  тамирчинтай учраа таарсан.