Чингэлтэй дүүргийн 30 жилийн ойн хүрээнд дүүргийн Засаг даргын нэрэмжит төрийн албан хаагчдын “Спорт наадам 2022” тэмцээн гурван өдөр явагдаж аваргуудаа тодрууллаа.  Тэмцээнд Чингэлтэй дүүргийн Иргэдийн төлөөлөгчдийн хурал, Засаг даргын Тамгын газар болон дэргэдэх хэлтэс албадын 40 орчим байгууллагын төрийн албан хаагчид өрсөлдөв.

    Тэмцээний хаалтын ажиллагаанд дүүргийн Засаг дарга Н.Батсүмбэрэл, орлогч дарга Д.Отгонбаатар, Тамгын газрын дарга П.Баянбаатар нар оролцож тамирчдад шагнал гардуулж, амжилт хүслээ.  Дартсын  тэргүүн байрт Засаг даргын Тамгын газар, олс таталтад  Биеийн тамир, спорт хороо, нисдэг тавагт Засаг даргын Тамгын газар, ширээний теннист  Засаг даргын Тамгын газар,

    Гар бөмбөгийн эрэгтэй төрөлд Нийгмийн даатгалын хэлтэс тэргүүн байрыг эзэллээ. Харин гар бөмбөгийн эмэгтэй төрөлд Татварын хэлтэс, сагсан бөмбөгийн эрэгтэй төрөлд Биеийн тамир, спорт хороо, Сагсан бөмбөгийн эмэгтэй төрөлд Биеийн тамир, спорт хороо тэргүүн байрт шалгарав. Багийн нийлбэр дүнгээр Нэгдүгээр байрт  Засаг даргын Тамгын газар, хоёрдугаар байрт Биеийн тамир, спортын хороо, гуравдугаар байрт  Цагдаагийн газрын хамт олон орлоо.