Биеийн тамир, спортын улсын хорооны хүндэтгэлийн танхимд буудлага спортын “Кайр-2022” насанд хүрэгчдийн ДАШТ-ээс медаль хүртсэн баг тамирчдыг хүлээн авч уулзах ёслол боллоо. Тус ёслолд Олимп, нийтийн биеийн тамир, спортын Үндэсний хорооны дарга Б.Бат-Эрдэнэ, БТСУХ-ны дарга Д.Жаргалсайхан нар оролцов.

    Ёслолын үеэр гавьяат дасгалжуулагч Л.Ундралбат,  шигшээ багийн тамирчин Э.Даваахүү, О.Есүгэн, Ц.Мөнхзул, Э.Хишигдэлгэр, Т.Баярцэцэг нарт” Биеийн тамирын тэргүүний ажилтан” цол тэмдэг гардууллаа.  “Кайр-2022” ДАШТ-ий холимог багийн 50 метрийн гар бууны дасгалд Ц.Мөнхзул, Э.Даваахүү нар нийлбэр дүнгээр 539 оноо авч мөнгөн медаль хүртсэн юм.

   Дэлхийн аваргын эмэгтэйчүүдийн ганцаарчилсан төрөлд Ц.Мөнхзул алтан медаль хүртсэн бөгөөд дэлхийн дээд амжилтыг шинэчлэн тогтоосон. Түүнчлэн энэ төрөлд Т.Баярцэцэг мөнгө, Э.Хишигдэлгэр хүрэл медаль хүртсэн билээ.