Монгол Улсын гавьяат тамирчин Цэрэнбаатарын Цогтбаярын дэлхийн шилдэг бөх болсоны 30 жилийн ойн нэрэмжит чөлөөт бөхийн тэмцээн болно. Тус насанд хүрэгчдийн тэмцээн олимпын 12 жингийн ангиллаар энэ сарын 11-12-ны өдрүүдэд Монгол бөхийн өргөөнд явагдах юм.  Тэмцээний нийт шагналын сан 40 сая төгрөг.

    Тус тэмцээний ерөнхий ивээн тэтгэгчээр “Номт Даншиг” ХХК,  “Эм Ай И” ХХК ажиллана. Монгол Улсын гавьяат тамирчин Ц.Цогтбаяр 1993 онд дэлхийн аварга шалгаруулах тэмцээнээс хүрэл медаль хүртэж, мөн Ази тивийн аварга болж, “Дэлхийн шилдэг бөх”-өөр шалгарч, 1994 онд Азийн наадмын аварга болж байлаа.