Олимпын таэквондогийн бага насны улсын аварга шалгаруулах тэмцээн энэ сарын 15-17-ны өдрүүдэд Өвөрхангай аймгийн Арвайхээр хотноо болно.  Энэ удаагийн УАШТ-ийг  гавьяат дасгалжуулагч С.Ган-Эрдэнэ багшийн нэрэмжит болгон зохион явуулна. Өвөрхангай аймаг 2019 онд таэквондогийн бага насны УАШТ-ийг зохион байгуулан явуулж байсан юм.

    Энэ оны УАШТ-ий бэлтгэл ажлын хүрээнд Монголын таэквондогийн холбооны ерөнхий нарийн бичгийн дарга А.Түмэнжаргал, Өвөрхангай аймагт очин тус аймгийн засаг дарга А.Ишдорж, БТСГ-ын дарга Ө.Жандүдсансүм, БТСГ-ын спортын албаны дарга Э.Баттүшиг, Өвөрхангай аймгийн таэквондогийн салбар холбооны нарийн бичгийн дарга Т.Энхтайван нартай уулзлаа.

  Харин тус УАШТ-ий дараа арваннэгдүгээр сарын 18-19-ний өдрүүдэд Өвөрхангай аймгийн "Шонхор" таэквондогийн  клубийн 10 жилийн ойн хүрээнд "SHONKHOR CUP-2022" цомын тэмцээн тус тус зохион байгуулагдана.