Йордан Улсын Амман хотод өнөөдөр боксын Ази тивийн аварга шалгаруулах тэмцээн эхэлнэ. Тус тэмцээний техникийн зөвлөлгөөн өчигдөр  болж жин тус бүрийн оноолт гарлаа. Манай тамирчдын оноолт эвтэйхэн нь эвтэйхэн, эвгүй нь эвгүй л таарчээ.

Эмэгтэй 70 кг-ын жинд Эрдэнэтуяа шууд медаль дээр бууж. ОУХМ Чинзориг нэгд эрэмбэлэгдсэн бөгөөд медаль бол тодорхой, өнгийг хувиргаж "хошой" шар болгох нь чухал байна.  Тэрбээр Финалд Узбекистантай л учрах байх. Залуу боксчид Лундаа, Буяндалай нар медальд ойрхон байгаа.  Харин хамгийн чанга сугалааг Энхмандах, Төгөлдөр, Намуун, Мөнгөнсаран нар сугалсан.Тэд дэлхийн медальтнуудыг давж байж л медаль руу орох юм.

Ззалуу боксчин Номин эхний даваандаа Азийн аварга, хашир Казахстаны Римма Волосенког ялчихвал аварга л болно үүд хаалга нь нээгдэнэ. Олон улсын боксын холбоо чансаа тогтоодог дүрмээ өөрчилсөн байна. Манай тамирчдаас өөрийн жиндээ дэлхийд хамгийн өндөрт эрэмбэлэгдэж яваа нь Чинзориг (10-15), Цэндбаатар (14-19), Есүгэн(7-10), Намуун (9-17) нар юм байна.