Сэлэнгэ аймгийн аварга шалгаруулах өсвөр үеийн Футзалны тэмцээн энэ сарын 29-30-ны өдрүүдэд Мандал сумын Спорт цогцолборт амжилттай зохион байгуулагдлаа. Тэмцээнд 11-13 насны 11 баг, 14-16 насны зургаан баг нийт 17 багийн 140 гаруй тамирчид хурд хүчээ сорин өрсөлдөж дүнгээ гаргасан.

      Бага насны 11-13 насны ангиллын тэргүүн  байранд Мандал сумын гуравдугаар сургуулийн “3 Гажа” баг, хоёрдугаар байранд мөн Мандал сумын  гуравдугаар сургуулийн “Гажа 3” баг, гуравдугаар байранд Мандал нэгдүгээр сургуулийн  “Андууд” баг орлоо. “Шилдэг хаалгач”-аар “Гажа 3” багийн О.Билэгт,

    “Шилдэг довтлогч”-оор “Гажа 3” багийн Б.Хосбаяр, “Шилдэг хамгаалагч”-аар “Андууд” багийн тамирчин Г.Мөнхдөл шалгарав. Харин 14-16 насны ангилалд  тэргүүн  байрыг  Мандал нэгдүгээр сургуулийн  “Золбоо” баг, хоёрдугаар байранд Сайхан сумын “Хөтөл” баг, гуравдугаар байранд Мандал сумын “Цэнхэр Чөтгөрүүд” баг оров.  Энэ насны “Шилдэг хаалгач”-аар “Гажа 3” багийн тамирчин Г.Билэгсайхан, “Шилдэг довтлогч”-оор  “Золбоо” багийн тамирчин Б.Далайбат, “Шилдэг хамгаалагч”-аар Хөтөл багийн тамирчин Э.Эрдэнэхүү нар шалгарлаа.