• Өнөөдөр 2025-04-23

Баянхонгор аймгийн өсвөрийн шатарчдын тэмцээнд Хөвсгөл аймаг түрүүлжээ

2022-10-25,   437

    Өсвөрийн шатарчдын аварга шалгаруулах бүсийн тэмцээнийг Баянхонгор аймгийн ИТХ, Монголын Шатрын холбоо, Баянхонгор аймгийн Шатрын холбоотой хамтран Баянхонгор сумын “Гэгээн сумади” сургууль, цэцэрлэгийн цогцолборт зохион байгуулав.Тэмцээнд Баянхонгор, Говь-Алтай, Өвөрхангай, Төв, Сүхбаатар, Ховд, Хөвсгөл, Завхан, Дорноговь, Говьсүмбэр зэрэг 10 аймгийн 262 тамирчин өрсөлдөж  аймгууд, Баянхонгор аймгийн сургууль, клубууд, сумдын гэсэн гурван ангиллаар байр эзлүүлжээ.
 
Аймгуудаас нэгдүгээр байр Хөвсгөл, хоёрдугаар байр Өвөрхангай, гуравдугаар байрыг Ховд аймгийн баг тамирчид, Баянхонгор аймгийн төвийн сургууль, клубуудээс нэгдүгээр байрыг Гэрэлт ирээдүй шатрын клуб, 2 дугаар байрыг Номгон сургууль, 3 дугаар байрыг Гэгээн сумади сургууль, цэцэрлэгийн цогцолборын баг тамирчид, Баянхонгор аймгийн сумдаас нэгдүгээр байрыг Баян-Өндөр сум, хоёрдугаар байрыг Бөмбөгөр сум, гуравдугаар байрыг Баян-Овоо сум тус тус эзэлсэн байна.
 
     Нутгийн өөрөө удирдах байгууллага үүсч хөгжсөний 30 жилийн ойн хүрээнд тус тэмцээнийг аймгийн Шатрын гурван удаагийн аварга, Бөмбөгөр сумын харъяат Ж.Готов агсаны нэрэмжит болгон зохион байгуулжээ. Ийнхүү тэмцээнийг Баянхонгор аймгийн ИТХ болон  Ж.Готов агсаны  гэр бүл, үр хүүхэд, ач зээ нар ивээн тэтгэж, аймгийн ИТХ-аас оюуны спорт болох шатрын спортыг дэмжиж хөгжүүлэх зорилгоор 90ш шатрыг тэмцээнд амжилттай оролцсон сум, байгууллагуудад бэлэглэжээ.Тэмцээний ерөнхий шүүгчээр Монголын Шатрын холбооны  ерөнхий менежер, улсын шүүгч Гүнбаяр, туслах шүүгчээр  улсын шүүгч Н.Алтанзул нар ажилласан байна.

Баянхонгор аймгийн өсвөрийн шатарчдын тэмцээнд Хөвсгөл аймаг түрүүлжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.