ОХУ-ын Буриадын Монгол Улстай харилцах сайд Чирипов Даба-Жалсан болон түүний албаны төлөөлөл, Казахстан Улсын Худалдаа аж үйлдвэрийн танхимын гишүүн Дамиля Тасмагамбетова нарыг Дархан-Уул аймгийн удирдлагууд хүлээн авч уулзжээ.

   Уулзалтын үеэр үндэсний соёлын наадмыг хамтран зохион байгуулах боломжтой гэдгийг оролцогчид онцолсон байна. Дархан-Уул аймагт “Нүүдэлчин Монгол” дэлхийн соёлын фестивалийг зохион байгуулахаар төлөвлөн ажиллаж байгаа гэдгийг дуулгав. Соёлын биет бус өв, үндэсний спортыг цогц хэлбэрээр нь танилцуулж, олон нийтэд түгээхэд тус фестивалийн зорилго оршиж байгаа аж.