ОХУ-ын Владивосток хотод болж буй "Дети Ази" олон улсын хүүхдийн спортын VII наадмын жүдо бөхийн тэмцээн эхэлж ээ. Манай улсаас хоёр тамирчин барилдснаас хоёулаа медаль хүртжээ. Тодруулбал, хөвгүүдийн 46 кг-ын жинд Шинэ-Одын Чилүгэн мөнгө, 50 кг-ын жинд Чойжилжавын Төгөлдөр хүрэл медалийн эзэн болсон байна. Ч.Төгөлдөрийн хувьд хүрэл медалийн төлөөх барилдаанд Приморын хязгаарын Егор Пиновыг цэвэр ялж Ш.Чилүгэн финалд Узбекистаны Асадбек Мисировт өчих мэхээр цэвэр ялагджээ.

    "Азийн хүүхдүүд" наадамд жүдо бөхийн төрөлд манай улсаас дасгалжуулагчаар гавьяат дасгалжуулагч Ш.Цэвэлмаа болон Б.Баасандорж, шүүгчээр олон улсын шүүгч Ц.Алтанцог нар ажиллаж байна.